Kuwento ng sariling love letter

Dear Vanezza,

Close kami ng friend ko. Higit pa sa magkapatid. Mayroon po kaming schoolmate na bebot na type niya. Hindi niya alam ay crush ko rin. Ako ang taga-gawa ng love letter niya na sinusulat ko ang totoong nararamdaman ko para sa kanya. Kinikilig ako kapag sumasagot siya sa sulat. Mas lalo akong nai- in love sa kanya. Pero nasasaktan din ako na hindi niya alam na sa akin galing ang love letter.  Bilang respeto sa bestfriend ko ay ako na lang ang iiwas. Tama ba ang gagawin ko? – Marc

Dear Marc,

Tama na umiwas ka na lang at tigilan na rin ang paggawa ng love letter para sa kaibigan mo. Ibaling mo sa iba ang iyong atensyon upang magkaroon ka ng sariling kuwento ng iyong love life. Para makapagsulat din ng sarili mong love letter. Huwag mo nang pahirapan ang iyong sarili dahil marami pang ibang babae na puwedeng magpapasaya sa iyo.

Sumasaiyo,

Vanezza