Sweet si mama sa ibang lalaki

Dear Vanezza,

Nasa Dubai si papa nagtatrabaho, pero mayroong tumatawag lagi kay mama. Nagtataka ang bunsong kapatid kong babae na 11 years old kung bakit lagi may kausap na lalaki si mama. Laging sweet si mama dun sa lalaki. Bilang panganay ay gusto ko nang magsumbong kay papa. Pero natatakot ako sa puwedeng gawin ni  mama o anong mangyari. Ano ba ang puwedeng gawin ko?                                                           

Chelky

Dear Chelky,

Puwede ninyong sulatan si mama mo na pakiusapan na tigilan na ang pakikipag-usap sa ibang lalaki. Laging samahan, kausapin, at kuwentuhan si mama dahil tiyak na nalulungkot ito. Puwedeng ipaalam kay lolo o lola na malapit sa inyo upang sila ang kumausap sa mama ninyo. Ipagdasal ang inyong magulang upang magabayan at mapaglabanan nito ang mga tukso.

Sumasainyo,

Vanezza