Naghahanap ng formal na closure

Dear Vanezza,

Isang nurse ang GF ko na pumunta ng Canada. Pero pagkaraan ng limang  buwan ay hindi na niya sinasagot ang message at video call ko hanggang deactive na ang kanyang account. Plano niyang pasunirin ako at dun kami magpakasal. Pero balita sa akin ng pinsan niya na may foreigner na siyang BF ngayon.  Ayaw na rin akong kausapin ng pamilya niya. Gusto ko lang naman ng closure kung anong nangyari na sana ay hindi na lang niya ako pinaasa. Ano ba ang gagawin ko? – Koi

Dear Koi,

Puwede mo pa rin siyang i-email at sabihin ang iyong tanong na gustong malaman.  Pero kung hindi ka pa rin niya sinagot,  huwag ka na maghanap ng formal na closure. Tiyak hindi niya kayang humarap sa iyo dahil sa naging desisyon niya. Lilipas din ang sakit na nararamdaman mo, pero huwag kang mag-alala na tiyak na may babaeng  darating na deserve sa pagmamahal mo.

Sumasainyo,

Vanezza