Paano tratuhin at ingatan si misis ayon sa prinsipyo ng Bible.
Maging mahinahon at mapagbigay kapag kausap si misis. Nasasaktan si misis kapag malupit at nang bubuwisit si mister sa asawa. (Eph. 4:2)
Huwag magbigay ng negatibong komento sa katawan ni misis. Inilagay ni misis ang kanyang sarili sa panganib upang dalhin sa kanyang sinapupunan ang inyong mga anak. Pahalagahan si misis at i-appreciate kahit hanggang sa pagtanda nito. (Eph. 5:29)
Huwag sisigawan si misis sa publiko, kundi kausapin siya ng pribado kung may isyung dapat pag-usapan. (Mateo 1:19)
Pasalamatan si misis sa pagkalinga at pagsakripisyo nito kay mister at sa pamilya. (I Thes. 5:18)
Hindi lahat ng babae ay pareho kung magluto; bagkus i-appreciate ang luto ni misis. Hindi madaling magluto ng tatlong beses sa isang araw sa loob ng 365 days. (Prov. 31:14).
Huwag unahin ang mga anak, bago si misis. Siya ang iyong asawa na katuwang sa buhay. Bago pa ang pamilya ay nauna na si misis. (Gen. 2:24).