Malakas ang Kutob sa Mister at BFF

Dear Vanezza,

Kakaiba ang kinikilos ng bestfriend ko at mister ko. Panay ang bulungan nila at hinahaplos siya sa braso ng BFF ko. Malakas ang kutob ko na may something sa kanilang dalawa. Pero trabaho lang daw ang pinag-uusapan nila. Isang construction worker ang asawa ko na gumagawa sa bahay ng BFF ko na kaibigan ko rin ang mister niya. Pero sinabihan ako ng driver ng BFF ko na sila lang ng mister ko at BFF ko ang naiiwan sa bahay. Pero nagagalit ang asawa ko na ayaw akong isama. Samantalang bigla akong sinusungitan ng itinuturing kong BFF. –Lilibeth

Dear Lilibeth,

Gumawa ka ng paraan na malaman ang totoong nangyayari sa asawa at bestie mo dahil karapatan mo ito. Kung may milagrong ginagawa ang dalawa. Puwede mo silang hulihin sa pamamagitan ng text. Puntahan mo ang bahay na ‘di nila alam para mapanatag ang loob kung tama ang hinala mo.

Sumasainyo

Vanezza