Chinese Horoscope for 2017
Part 3
Tiger
Ang mga taong ipinanganak sa year of the Tiger ay nakakaranas ng magandang kapalaran sa Years of the Rabbit, Horse at Sheep. Hindi sila masyadong sinusuwerte sa Years of the Rat, Ox, Dragon at Monkey.
Kapalaran ngayong 2017 or Year of the Rooster:
Kung ikaw ay isang Tiger na ang trabaho ay direct selling, may isang tao na tutulong sa iyo para lumaki ang iyong kita. Sa pangkalahatan, posibleng malugi o madaya sa negosyo kaya huwag makikipagsosyo. Para hindi ito maranasan, mag-donate sa kawanggawa.
Sa job promotion, isang tao ang magiging instrumento para makamtan ang pagtaas sa puwesto. Siya kasi ang makakapansin ng iyong kasipagan kaya siya ang lihim na magrerekomenda ng iyong promotion sa big boss. Malaki ang tsansa na makasama sa business trip.
Mag-ingat sa pagmamaneho. Upang maiwasan ang pangit na pangyayari, mag-donate ng blood sa Red Cross pagkaraan ng February 4.
Ang single Tiger ay mabilis makakahanap ng pag-ibig. Ang married naman ay magkakaroon ng conflict dahil may taong magkakagusto sa kanila. Sa kalusugan, malapit kayo sa sakit. Ang Tiger na nasa senior citizen age at mahilig sa sports, mag-ingat po kayo. Baka kayo mahulog o mabalian.
- Latest
