Dear Vanezza,
Nakita ko ang calendar planner ni mama sa buong taon. Naglista siya agad ng mga commitment na dapat niyang maalala at gagawing activities for 2017. Pati ang birthday ni kuya ay may mark na. Samantalang ang birthday ko ay dedma. Eh magdi-debut pa naman akong ngayong October. Nalungkot ako na walang plano si mama na i-celebrate ang 18th birthday ko. Panay pa ang usapan nila ni kuya kung magta-travel sila sa birthday niya o peperahin na lang niya. Ako dedma kay mama ang debut ko. Unfair talaga si mama na laging paborito si kuya sa lahat ng bagay. –Weng
Dear Weng,
Huwag magtampo agad maaaring nalimutan lang ni mama ang birthday mo. Bakit hindi ikaw mismo ang mag-suggest ng idea na gustong gawin sa iyong debut. Para maalala ni mama at ma-budget ang mahalagang birthday ng kanyang anak na babae. Huwag agad mag-isip ng negatibo sa iyong mama. Kundi kausapin siya sa birthday mo ngayong taon. Tiyak na masaya si mama mo na ipaghanda ka sa iyong debut. Ganun lang ang mga mama na may soft spot sa mga anak na lalaki, dahil sa opposite sex. Pero hindi ibig sabihin ay ‘di na ka na mahalaga sa kanya. Sa halip ay may malaking puwang ka sa puso ni mama mo.
Sumasainyo,
Vanezza