Hungarian Saugage ng Boyong’s Sulit na Sulit sa Sarap

Bukod sa burgers, ang hotdog sandwich ang isa sa mga paboritong kainin ng mga Pinoy kung merienda ang pag-uusapan. May isang kainan sa Marikina ang nagtitinda ng murang hotdog sandwich na swak sa panlasa ng matatanda. At hindi lang ito basta hotdog ah, Hungarian sausage ito! Oo, ‘yung naglalakihang medyo maanghang na sausage. Swak na swak talaga sa panlasa.

Matatagpuan sa dela Paz st., sa Marikina, ang Boyong’s – Chef B’s Grilled Burgers ay kilala sa kanilang masarap at murang hamburgers. Pero hindi lang burger ang kanilang isine-serve, may mga pasta sila at marami pang iba. Isa na nga rito ang Hungarian sausage na sa halagang P55 ay solb ka na. Masarap ang tinapay, malaki at malasa ang sausage at simple lang ang catsup-mayo dressing na may dalawang hiwa ng pipino. Sa murang halaga sulit na sulit ang inyong pera. Burp!

Para sa mga katanungan at suhestiyon tungkol sa pagkain at pagluluto, maaaring mag-email sa [email protected].