Magic ng Baking Soda sa Amoy ng Inyong Alaga
Isa sa mga problema ‘pag may alaga kang hayop sa bahay ay ang kalat at iniiwang amoy nito. Mas matindi ito kung ang alagang aso ay naglalagi sa loob ng bahay. Hindi maiiwasang maamoy ito ng mga bisita na siya namang nakakahiya.
Bukod sa pagti-train ng mga alaga kung saan dapat umihi at dumumi, linisin ding mabuti ang mga lugar kung saan naglalagi ang inyong alaga. Bukod sa paglilinis ang isa sa mga sikreto para maging mabango pa rin ang inyong mga sofa at kama ng aso ay baking soda.
Budburan lang ng baking soda ang inyong mga sofa at kama ng inyong alaga at iwan ito ng 15 minuto. Hayaan n’yong gawin ng baking soda ang magic. Pagkatapos “mababad” ang baking soda ay gamitan ito ng vacuum machine. Magugulat kayong pati ang amoy ay masasamang matanggal kasabay ng baking soda.
Ito po ang inyong Kumpunerong Kuya na nagsasabing, kung gusto ay maraming paraan!
- Latest
