Matapobreng Lady Boss

Dear Vanezza,

Nahihirapan na po ako sa aking Lady Boss naiintidihan ko na may matanda na siya. Pero ang pagiging lagi niyang masungit, galit, at hindi marunong mag-appearciate ng mga natatapos at nagagawa ng mga taong under niya ay parang kalabisan na. Laging gusto niya na siya lang ang tama at magaling sa aming opisina. Hindi ko na po nagugustuhan ay ang talikuran niyang pagsasabi ng mga pangit tungkol sa akin. Nalaman ko ito dahil ikinukuwento lang din ng mga kasamahan ko sa trabaho. Hindi ko naman po siya masita dahil siya ang boss, at isa lang akong karaniwang empleyado.Isa pa mas matanda siya sa akin kaya inuunawa ko na lang po. Kaso nawawalan naman ako sa kanyang respeto dahil sa pagiging matapobre nito kahit kanino.  Ano po ang aking gagawin? - Icchay

Dear Icchay,

Hindi naman puwede komo simpleng empleya­do ay wala ka nang karapatan na magreklamo. Ang maganda ay mag-report ka sa inyong HR supervisor kung talagang below the belt at lampas na sa kagandahang asal ang ginagawa ng boss mo.  Kung talagang hindi mo kayang pakibagayan ang amo mo, mas magandang maghanap ka ng iba trabaho kung saan ka higit na magiging masaya at irerespeto ng ibang katrabaho mo.

Sumasaiyo,

Vanezza