Second Chance

Dear Vanezza,

Ako si Tea, isang tindera sa palengke at hiwalay sa asawa. Kasal kami at may 2 anak. Tatlong taon na siyang wala sa aming piling mula nang sumama sa ibang babae. Masaya at simple na ang buhay naming mag-iina. Kaso biglang sumulpot ang aking mister at  nanghihingi ng patawad. Gusto ko muli siyang tanggapin, pero ayaw na ng mga anak namin. Ano po ang gagawin ko?

Dear Tea,

Tama ang desisyong mong tanggapin muli ang iyong asawa. Ipaliwanag mo sa iyong mga anak na ang Diyos ay nagpapatawad, kaya dapat ay sila rin bilang tao. Magandang maging buo ang inyong pamilya lalo na ngayong Pasko. Magsimula muli kayong mag-asawa at gawing matatag ang inyong pagsasama. Huwag mo rin pilitin ang mga anak mo. Hayaan mong dumating ang araw na mapatawad nila ang asawa mo. Pero ipaliwanag sa kanila ang pagbabalik ng asawa at tatay nila sa inyong pamilya.

Sumasaiyo,

Vanezza