Tinakbuhan ng BF

Dear Vanezza,

Ako po 25 years old at dalaga pa na nakikitira sa tita ko. May naging ka-textmate ako. Isang linggo kaming nag-text bago kami nag-eyeball. Nagkita kami minsan at dito siya nagtapat sa akin na gusto niya ako. Nag-meet kami uli at sinagot ko na siya. Tuwing Linggo ay nagkikita kami. Hanggang madalas na kami magpunta sa motel at nabuntis nga ako. Iyan po ang problema ko ngayon. Nang malaman ito ng bf ko, hindi na siya nagpakita at ayaw nang sumagot sa text ko. Malapit nang isang buwan ang tiyan ko. Natatakot ako na baka palayasin ako ng tita ko kapag nalaman ang kalagayan ko. Ano ang gagawin ko? - Jane

Dear Jane,

Magtapat ka sa iyong tita. Tao ka lang naman na nagkasala at marahil ay mauunawaan ka niya. Wala kang ibang magagawa dahil nagkasala ka at aanihin mo ngayon ang bunga ng iyong pagkakamali. Huwag mo na ring asahan na magpapakita pa sa ‘yo ang ka-text mo dahil halatang tinatakbuhan niya ang pananagutan niya sa ‘yo. Sana’y magsilbing aral sa iyo ang karanasan mo. Huwag basta-basta ipagkakatiwala ang sarili kung kani-kanino.

Sumasaiyo,

Vanezza