Ilang beses kasabay ang anak mo sa pagkain?

Maganda ang epekto kapag intact ang family na ang umaani ng benepisyo ay ang mga mismong anak natin.

Ang pamilya ay dapat nagbibigay ng safe at healthier home environment hindi lang sa mga bata kundi sa buong pamilya. Karaniwan din sa intact na pamilya ay maganda ang  performance sa school ng mga bata, nagpapakita man ng  behavioral problems pero konti lang, at nagbubunga rin ng healthy romantic relationships sa kanilang pagtanda.

Marami pang maganda epekto kapag buo ang pamilya.  Bukod sa  higher academic achievement, healthy din sila  emotionally, kumapara sa ibang pamilya at maging sa ibang kaibigan, classmates nilang galing sa broken family.

Kumpara rin sa single-parent na walang tatay o nanay ayon sa pag-aaral, ang kanilang mga anak ay mababa ang self-esteem, low self-determination, at madalas ay sakit ng ulo ng pamilya, eskuwelahan, o kumunidad.

Samantalang kapag buo ang father o mother figure sa tahanan, tulad ng madalas kasama ang kanyang pamilya ay masaya rin ang mga anak.

Ang mga bata o teenagers na madalas kasabay ang pamilya sa kainan ay malayo sa banta ng pang-aabuso.  Samantalang ang magulang na kasama ang mga anak na dalawang beses lang sa isang linggo kasabay kumain ang bata, ay nabibiktima ng pang-aabuso.

Ang mga teenager din na hindi madalas kasama ang mga magulang ay nauuwi sa pagbibisyo. Maging ito ay  sigarilyo, alak, at worst ang paggamit ng pinagbabawal na gamot.

Samantalang mataas ang porsi­yentong ng mga batang lumaking masaya at buong pamilya na maganda rin ang buhay kapag nakapag-asawa. Dahil lumaki rin silang healthy ang relasyon ng kanilang mga magulang.  Hindi rin nauuwi sa hiwalayan ang mag-partner na lumaking buo ang pamilya.