Kung pumapasok sa madilim na lugar kagaya ng sinehan, ipikit ang isang mata para kahit paano ay luminaw nang kaunti ang iyong paningin.
Kung hindi ka komportable na tumingin sa mata ng kausap, ibaling ang paningin sa kanyang ilong. Ang tingin pa rin niya ay nakatingin ka sa kanyang mga mata.
Tapikin ang ibabaw ng soda can or beer can bago buksan para hindi umawas ang bula.
May nagsasabing mas mabuting mag-shower sa gabi bago matulog para maginhawa ang pagtulog. Sa kabilang banda, mas masarap daw mag-shower sa umaga dahil magandang simulan ang araw na fresh ang pakiramdam. Para walang problema, pareho mong gawin.
Ang unang bagay na napapansin sa iyo ng ibang tao ay ang suot mong sapatos. Dress to impress.
Upang maiwasan ang sobrang pag-iisip, magplano kung ano ang susunod na gagawin sa halip na isipin kung saan nagkamali.
Ang YOUR at YOU’RE ay magkaiba. Ang Tagalog sa “your” ay “iyong”. Your father is intelligent. Ang iyong tatay ay matalino.
Ang “you’re” ay pinaikling “you are”. Ang Tagalog dito ay “ikaw ay”. You are intelligent or You’re intelligent. Ikaw ay matalino.