Island of the undead (38)
“HUWAG kang magkaila, duktor! Kahit napakahina ng pag-awit mo, alam kong kinakanta mo ang GRANADA na version ni Trini Lopez!”
“B-bawal po ba?” namumutlang tanong ni Duktor Larry.
Naihanda na nila ng asawang si Joanne ang gagamitin sa plastic surgery, na hopefully ay magpapaganda sa napakapangit na reyna ng Undead Island.
Hagulhol ang naging tugon ni Reyna Coreana.
“BUU-HUU-HUU-HUUU!”
Naintriga nang husto si Duktora Joanne. Umiral ang interes sa kapwa nilalang na babae.
Lakas-loob na nagtanong siya sa reyna.
“A-ano po ba ang kaugnayan ng kantang Granada?”
“Pinatay ng buwisit na Granadang ‘yan ang pinakamamahal kong si Quinito!” bulyaw ng reyna.
“Mister n’yo po ba ‘yung Chiquito?”
“Quinito! Gaga!”
“S-sorry po, medyo nabingi ako...”
“Half-brother ko si Quinito and I love him very much! Hindi ko matanggap na namatay siya nang walang magandang dahilan!”
Nakikinig sa kuwento ng reyna sina Joanne at Larry. Kinakalma nila ang takot at kawalang-katiyakan ng buhay.
‘Mahilig kumanta si Quinito, kahit walang hilig sa kanya ang kanta. Tone-deft, sintunadung-sintunado ang half-bro ko...” (Itutuloy)
- Latest
