‘Liberated ang gf’

Dear Vanezza,

Tawagin mo na lang akong Jowee, binata at 25 yrs old. Mayroon akong gf at 3 months na kami. Pero kinakantyawan ako ng mga katropa ko. Mas­yado raw liberated ang syota ko at nakikipag-date sa ibang lalaki. Pero sa mga dinner lang at hindi sa mga private place. Isa kasing account executive ang gf ko sa isang ad agency. Sabi niya sa akin, trabaho lang at dapat akong magtiwala sa kanya. Panatag naman ang loob ko sa sinabi niya. Pero isang araw, nakita ko ang gf ko na may ka-holding hands sa isang mall habang papaakyat ng escalator. Sumunod ako secretly at nakita ko nang bumili sila ng ticket sa sinehan. Parang dinurog ang puso ko. Dalawang linggo na mula ng mangyari yun pero hindi ko isinusumbat sa kanya ang nakita ko. Nakakahalata siyang malungkot ako kapag magkasama kami. Ayaw kong magsalita dahil mahal ko siya at baka tuluyan kaming mag-break. Dapat ko na bang putulin ang relasyon sa kanya?

Dear Jowee,

Bago ka makipagkalas, kausapin mo muna siya at alamin kung sino young kasama niya. Just give her the benefit of the doubt. May karapatan kang magtanong bilang bf niya. Kahit mahal mo siya, kung talagang double timer siya, dapat mo nang putulin ang relasyon sa kanya. Mag-usap muna kayo at magkaintindihan kung dapat pa bang ituloy ang inyong ugnayan kung isa naman sa inyo ay nagsasalawahan.

Sumasaiyo,

Vanezza