Ipinagpalit sa iba

Dear Vanezza,

Sana po ay matulungan ninyo ako sa problema ko. Nagsimula po ito ng pumasok sa fast food na pinagtatrabahuan ko si Lovi. Mabait siya at napaka-sweet kaya love at first sight ako sa kanya. Masuwerte naman ako dahil minsang nagkausap kami ng sarilinan, inamin niya sa akin na crush niya ako. Naging mag-on kami. Napamahal siya ng husto sa akin. Noong una’y masayang-masaya kami. Pero hindi ito nagtagal. Hanggang isang araw ay sinabi niya sa akin na mag-cool off muna kami. Ayaw niyang sabihin kung bakit. Mula noon ay hindi ako makakain at makatulog. May nakapagbalita sa akin na nakita si Editha sa isang mall na may kasamang lalaki. Magka-holding hands pa. Mahal na mahal ko po siya at ayaw kong mawala siya sa akin. Ano ang gagawin ko? - Jopeth

Dear Jopeth,

Ituring mong blessing ang nangyari dahil agad mong nakilala ang pagkatao ng girlfriend mo. Paano kung kasal na kayo at pinagtaksilan ka niya? Mas masakit. Kaya huwag mong dibdibin ang nangyari. Sadyang ganyan sa pag-ibig, may nabibigo. Kahit mahal mo siya, may mahal na siyang iba. Pag-aralan mo na siyang kalimutan. Makakakita ka rin ng babaeng mas karapat-dapat sa’yo.

Sumasaiyo,

Vanezza