‘Sugar Mommy’

Dear Vanezza,

Tawagin mo na lang akong Renz, 26, at isang call center agent. Sa trabaho kong ito nakilala si Teena, 50, isang biyuda. Nagkalapit kami ng loob dahil na rin sa pagpapakita niya ng motibo sa akin. Sa kabila na may edad siya sa akin, naakit ako sa kanya dahil madalas niya akong regaluhan ng branded t-shirts, pabango at marami pa. Madalas din kaming mag-date sa motel at napaka-agresibo niya. Niyayaya niya na akong magpakasal pero nagdadalawang loob ako. Ano ang gagawin ko?

Dear Renz,

Ang pagpapakasal ay dapat may halong tunay na pag-ibig at hindi lang puro layaw at pita ng laman. Marahil talagang in-love sayo si Teena, pero mahal mo ba siya? Ikaw na mismo ang nagsabi na nagkalapit lang kayo dahil sa pagpapadala niya ng kung anu-anong regalo. Mag-isip kang mabuti dahil mistulang “binibili” ka niya. Wag kang padala sa mga materyal na bagay dahil kaligayahan mo at kinabukasan ang nakasalalay. Bagamat age doesn’t matter, hindi rin maiaalis na sa paglipas pa ng ilang panahon ay baka magmistula mo na lang siyang lola at ready ka ba sa ganitong mga aspeto? Pero kung tunay ang iyong pagmamahal sa kanya, walang halaga ang sasabihin ng iba

Sumasaiyo,

Vanezza