Dear Vanezza,
Dapat ko po bang mahalin ang lalaking nanakit ng aking damdamin? Naguguluhan po kasi ako ngayon sa aking nararamdaman. Hindi ko po alam kung mahal ko pa rin siya. Nasaktan niya na po ang puso ko pero kahit anong pilit kong kalimutan siya hindi ko pa rin magawa. Lagi pa rin siyang pumapasok sa isip ko at lalo ko po siyang minamahal sa kabila ng lahat ng ginawa niya sa akin. Dapat ko pa ba siyang mahalin? - Cherry, 18
Dear Cherry,
Hindi mo siya malimutan dahil ayaw mo siyang limutin. Ikaw na rin ang nagsabi na sa kabila ng ginawa niya sa’yo ay mas lalo mo siyang minahal. Kaya paano mo siya lilimutin kung mas nangingibabaw ang pagmamahal mo sa kanya? Ikaw ba’y mahal niya rin? Bata ka pa naman at marami pang mas makabuluhang bagay ang dapat mong pag-aksayahan ng panahon sa halip na ubusin ang oras sa kakaisip sa isang taong hindi mo naman batid kung iniisip ka rin.
Sumasaiyo,
Vanezza