Palagi na lang bigo

Dear Vanezza,

Itago n’yo na lang po ako sa pangalang Abey, 21 yrs. old. Single mom po ako. Muli akong umibig pero muli na namang nabigo. Mahal ko po siya. Very helpless ako ngayon at minsan gusto ko na pong magpakamatay dahil sa nararamdaman ko ngayon. 

Dear Abey,

‘Wag ka sanang mawalan ng pag-asa. Hindi lang naman ikaw ang nabibigo. Maraming single mom ang nagtagumpay sa buhay dahil hindi sila nagpadaig sa kabiguan. Tulad nila, mas dapat kang magpursigeng mabuhay alang-alang sa iyong anak. ‘Wag mong takasan ang responsibilidad mo sa kanya. Hindi siya dapat madamay anuman ang pinagdadaanan mo. Kung wala ka mang minamahal ngayon, nariyan naman ang iyong pamilya na handang magbigay ng unconditional love. Kung iibig muli, maging matalino na at huwag agad ibuhos ang lahat ng pagmamahal. Dapat mong maintindihan na sa pag-ibig, may bigo at tagumpay. Kaya ‘wag magpatalo. Ituring mong pagsubok ang lahat ng suliraning dumarating sa iyong buhay dahil ito ang magpapatatag sa’yo.

Sumasaiyo,

Vanezza