Gumawa ng ‘amulet’ sa Negosyo

Kailangan: isang pirasong piso coin at tubig ulan

Kailan isasagawa: Kung kailan umulan dahil tubig-ulan ang pangunahing sangkap dito ngunit mas magandang ti­ming kung nagkataong umulan sa gabi ng new moon.

Paraan:

1--Ibabad ang piso coin sa tubig ulan sa buong magdamag.

2--Kinaumagahan pagkagising ay dasalin ang mga sumusunod upang buhayin mo ang orasyong uusalin mo sa bandang katapusan ng ritwal: “ O, Diyos Amang makapangyarihan sa lahat, ADONAI, EL SHADDAI. Sa pamamagitan ng iyong anak na si Hesukristo ay igawad mo po sa akin ang bisa ng orasyong uusalin ko at nawa’y hindi ito maging labag sa inyong banal na kautusan. Ako po si ____(pangalan mo) at nakatira sa____(kumpletong address mo). Huwag mo po akong pababayaan. Amen. SATOR, AREPO, TENET, OPERA, ROTAS. (sunod na dasalin ang Ama Namin). AD MAYOREM DEI GLORIAM.

3--Kunin ang piso na ibinabad sa tubig ulan at hawakan. Humarap sa silangan at usalin ang sumusunod na orasyon: “SENIOR SAN JOSE, PATRON DE COMMERCIAE, UN PESO SAGRADO, VERDADERO PROVIDENCIA OROS ET PLATAS ET GRATIAS IN NOMINE JESU CHRISTI AMEN.

4--Ilagay ang naturang piso sa iyong cash box. Magsisilbi itong magnet o panawag ng pera.