Ilang oras na erection

Isa hanggang apat na oras na erection.

May mga lalaking gustong makaranas nito.

Maaaring isipin ninyo na “pang matagalang aksiyon ito.”

Pero mag-isip muna kayong mabuti.

Ang erection na tumatagal ng isa hanggang apat na oras na masakit at hindi resulta ng stimulation o arousal ay isang kondisyon na tinatawag na “Priapism.”

Kapag nakaranas kayo nito, tumawag agad ng doctor dahil kailangan itong malunasan agad.

“A long-lasting erection, one that lasts more than four hours without sexual stimulation, is a medical emergency and could be the last erection you ever have if you don’t get help right away,” sabi ni Michael Feloney, MD, isang urologist sa Nebraska Medical Center sa Omaha.

May ilang gamot sa erectile dysfunction (ED) ang nagdudulot nito.

Ngunit puwede rin itong magresulta sa injuries, gamot, sakit, paggamit ng drugs at maging kagat ng gagamba.

Makakatulong ang pagsa-shower o ice packs o kaya ay ang light exercise tulad ng pag-akyat ng hagdan para mabawasan ang dugo sa penis papunta sa ibang bahagi ng iyong katawan.

Kapag hindi ito agad nalunasan, ang priapism, ay maaari itong magdulot ng erection problems na hindi na mawawala.

Ang sanhi ng priapism ay mapanganib dahil ito ay dahil sa dugong nakulong sa loob ng penis. Kapag hindi nakaka-circulate ang dugo na dahilan para hindi makapasok ang oxygen sa cells na bumubuo sa structure ng penis, namamatay ang mga naturang cells na maaaring magresulta ng tissue damage, scar tissue at sa mga malalang kaso ay permanent erectile dysfunction.

 (ITUTULOY)