Dear Vanezza,
May nakilala akong guy sa website. Nagkalapit ang aming loob at hindi ko napigilan ang sarili kong mahalin siya dahil sa kanyang kabaitan. Pero hindi raw puwede na maging kami, dahil ayaw niyang magka-gf. May sakit siya at ayaw niyang masaktan ang taong mamahalin niya kung mawawala na siya sa mundo. Parang naawa ako sa kanya. Dapat ko na ba siyang kalimutan. Nami-miss ko siya. Payuhan mo sana ako. - Debra
Dear Debra,
Kung ayaw niyang makipag-gf, ito’y isang desisyon na dapat mong irespeto. Pero hindi mo siya kailangang kalimutan dahil kahit hindi naman siguro maging kayo, puwede pa rin kayong maging magkaibigan. Maaari mo pa ring maipadama sa kanya ang iyong concern at caring kahit magkaibigan lang kayo. At sa maikling panahon ng inyong pagkakakilala ay napasaya mo siya. Ito marahil ang hinahanap niya, ang magkaroon ng kaibigan at maging masaya sa kabila ng iniindang sakit. Ituring mo na lang na isang magandang alaala ang inyong pagkikilala. Isipin mo na lang na marahil hindi kayo para sa isa’t isa.
Sumasaiyo,
Vanezza