Pamahiin para Magkapera

Magiging magaan ang daloy ng pera kung magsusuot ng jade ring sa hinliliit. Kaliwang hinliliit sa mga lalaki; kanang hinliliit sa mga babae.

Tuwing umaga bago umalis ng bahay, sulatan mo ang iyong kanang palad ng peso sign gamit ang red ballpen. Gawin mo ito tuwing umaga for 15 days. Mag-start ka sa new moon. Kung gagawin ito nang regular, magiging malaki ang pag-asang datnan ka ng malaking halaga ng pera pagsapit ng full moon.

Huwag mong lalabanan sa kahit anong klase ng sugal ang isang buntis. Mas malakas ang kanyang suwerte kaysa inyo.

Ang southeast ang wealth corner sa Feng Shui. Mahihirapang kang magkapera kung gagamitan mo ng pulang pintura ang inyong wealth corner sa bahay.

Maglagay ka sa plastic ng kaunting asin at itago mo sa iyong wallet. Palitan mo ng panibagong asin tuwing ika-sampung araw. Suwerte ang dulot ng asin. Magsabit din ng asin sa maindoor at apat na sulok ng iyong bahay. Kagaya ng asin sa wallet, palitan ang asin every 10 days dahil wala nang kuwenta ito pagkatapos ng 10 days.

Punuin ng asin ang isang itim na mug (don’t use plastic) at ilagay sa kitchen. Palitan ng panibagong asin every 10 days. Hindi lang mag-i-improve ang inyong financial status kundi ang relationship ng mag-asawa.