Heart Health: Ang pagtaas ng oras sa pagpapastol upang makakain ng sariwang damo ay nagpapataas ng dami ng CLA (conjugated linoleic acid) na matatagpuan sa produktong galing sa paghahayupan. Ang CLA ay isang heart-healthy fatty acid na nakakapagpalakas ng proteksyon sa cardiovascular, at ito ay makikita sa pagkain ng karne at sa gatas ng hayop na pinalaki ng malaya at wala sa kulungan.
Immune System: Sa nagdaang mga taon, isa sa malaking proyekto sa paghahalaman at paghahayupan ang genetic modification. Ginagawa nitong mas malaki ang isang gulay sa dati nitong sukat at laki na sa tingin ng mga dalubhasa ay isang solusyon sa problema sa kagutuman sa buong mundo. Ang prosesong ito ay masyado pang maaga upang gawing solusyon sa kagutuman sa buong mundo dahil hindi pa madetermina ang epekto nito sa kalusugan ng tao. Katulad na lang sa pag-aaral sa mga hayop na kumain ng genetically modified na pagkain ay nakitaan pagbaba sa immune system, pagtataas ng mortality, sexual dysfunction, cancers at pagiging sensetibo sa mga allergens. Ang mga genetically modified na pagkain ay wala pang konkretong detalye sa kaligtasan ng kakain nito. (Itutuloy)