‘Erection Problems’ Last of the last part

Ayon sa embarrassingproblems.com, ang akala ng marami, bibihira ang nagkakaroon ng problema sa erection. Ang totoo, marami ang may ganitong problema. Hindi nga lang ito napag-uusapan o sinasabi ng mga nagkakaroon ng erection problems kasi nga ang karamihan ay nahihiyang sabihin na may ganitong problema.

May mga nagsasabing ang erection problem ay psychological. Luma na ang ganitong paniniwala dahil marami nang research na isinagawa at ang erection problem ay karaniwang sanhi ng physical cause o mga karamdaman, gamot at iba pa. Hindi rin solusyon  ang Testosterone injections/patches sa erection problem. Ang Testosterone ay ginagamit sa mga lalaking napatunayang kulang na kulang sa testosterone. Marami ang umiinom ng Viagra-type drugs para sa kanilang erection problems. Pero hindi ito epektibo sa lahat. Sa iba ay hindi ito successful. Ang erectile failure na tinatawag ring impotence o erectile dysfunction ay nangangahulugang  hindi ka nagkakaroon ng erection o hindi mo ma-maintain ang erection ng penis para tumagal sa sexual intercourse. Nagkakaroon ng impotence sa kahit na anong edad ngunit karaniwan ito sa mga nagkaka-edad na. Dumarating talaga sa punto na nagkakaroon ng impotence ang mga lalaki kapag tumatanda na ngunit may mga matatanda na may normal erection pa rin.