Napi-pressure sa pag-aasawa

Dear Vanezza,

I’m Marice, 25 years old at nagtatrabaho bilang account executive sa isang advertising firm. Only child ako ng parents ko na sad to say ay pareho ng namayapa. Lumaki ako sa lolo at lola ko. Marami po akong manliligaw pero never in my life pa akong pumasok sa seryosong relasyon. Nagkaroon na ako ng 3 bf since high school and college pero hanggang date lang at laging kasama ang tropa. Ngayon ay may nagugustuhan na ako at almost sure na akong labs ko siya. Kaya lang hindi ko pa siya sinasagot. Matatanda na rin ang lolo at lola ko kaya sabi nila dapat na akong mag-asawa para makita nila ang kanilang apo sa tuhod. Dapat ko bang pagbigyan ang kanilang hiling? 

Dear Marice,

Ang pag-aasawa ay personal na desisyon at hindi udyok o impluwensiya ng iba, kahit sarili pang magulang. Ang indibidwal ang pumipili ng mapapangasawa at nagtatakda ng araw ng kanyang kasal. Mahirap kung mag-aasawa ka dahil gusto lang ng iyong mga lolo at lola. Kung mabibigo ang iyong marriage, baka sila pa ang sisihin mo. Pero kung may napupusuan ka na sa mga manliligaw mo, huwag kang mag-atubili sa pagpapasya. Nasa tamang edad ka na at sa palagay ko ay emotionallly mature ka na para magtatag ng sariling pamilya.

Sumasaiyo,

Vanezza