Ginagayuma ang mister
Dear Vanezza,
Tawagin mo na lang akong Nancy, 24, may asawa at dalawang anak. Limang taon na kaming kasal ng asawa ko at sa loob ng panahong ito, naging mapagmahal at ulirang asawa siya. Pero nitong nakaraang mga buwan ay bigla na lamang siyang nagbago. Naging matabang ang pakikitungo niya sa akin. Nalaman kong mayroon pala siyang babae at kapitbahay pa namin. Hindi maganda ang babaeng ito, mataba at maitim. Pero alam kong noon pa’y may gusto na siya sa asawa ko. May reputasyon din ang babaeng ito na isang albularyo. Ang sabi sa akin ng tito ko, malamang ay ginamitan ang asawa ko ng gayuma. Ano ang dapat kong gawin? - Diana
Dear Diana,
Bakit hindi mo muna subukang kausapin ang babaeng ito at ang iyong mister at ipaalam mo sa kanila na nalalaman mo ang relasyon nila. Maaari mo naman na kausapin ang babaeng ito sa maayos na paraan at sabihin sa kanya na puwede mo siyang idemanda o di kaya ay eskandaluhin kung hindi niya titigilan ang panggagayuma sa iyong asawa.
- Latest
