Kinaaliwan ng netizens ang panggagaya ni Jennylyn Mercado sa BINI. Ipinost ng aktres sa kanyang Instagram account ang video kung san makikita siyang sinasayaw ang hit single ng BINI na Salamin, Salamin. Ginaya rin niya ang suot at ayos ng isa sa miyembro na si Mikha.
In fairness, ang cute ni Jen habang sumasayaw at nagmukha siyang teenager talaga sa kanyang outfit at hairstyle. Mapapanood din sa video na dinalaw ni Jen ang creative director/record producer ng ABS-CBN Music na si Jonahan Manalo. Pagpasok niya ng room ay nagbeso sila at sey ni Jen kay Jonathan, “’di mo ‘ko nakikilala? Binilyn Mercado,” sabay-tawa.
Sey pa niya tungkol sa kanyang outfit, “actually, suot ‘to ni Mikha. Hiniram lang namin” at natawa ulit.
Aniya sa caption, “Hi! Ako nga pala si BINI-LYN Mercado. Sir @jonathanmanalo happy happy birthdaaaaaaay! Para sayo talaga to. Be haaaaaappppppy!”
Pinuri naman ng netizens ang video ni Jen at sey rin nila, parang 16 years old lang daw ang aktres.
Vice at Ion, nangabog!
Kinabog nina Vice Ganda at Ion Perez ang ibang celebrity couples dahil sa nakakakilig na sagutan nila sa kanilang post sa social media.
Ion celebrated his 34th birthday last Nov. 27 at siyempre, hindi pwedeng walang sweet greetings sa kanya si Vice.
Nag-post ng touching video ang Unkabogable Star about Ion and their sweet moments at sa caption, aniya, “Sa Birthday mo, sa Pasko at sa araw araw gusto ko ikaw ang pinakamasaya! Yan ang lagi kong dasal. Mahal na mahal kita! @pereziion27.”
Sumagot naman si Ion ng “Maraming salamat babe ko nape feel ko ang sobrang special kong tao sa lahat ng ginagawa at pinapa ramdam mo! I love you forever.”
Sa IG naman ni Ion ay nag-post ng pasasalamat kay Lord at ideklara kung gaano niya kamahal si Vice.
Sumagot naman si Meme Vice ng “Pero pinakamahal kita!” Kinilig naman nang bonggang-bongga ang fans nila at hangang-hanga sila sa pagmamahalan ng dalawa.