Nadine, pinagmalaki ang sasakyan

Ang bongga naman ng actress na si Nadine Samonte na nabili na ang kanyang dream car.

“A dream come true. Ahhhh grabe words cannot express how excited and happy I was nung makuha ko tong car,” caption niya sa kanyang post kung saan lutang ang saya niya sa kanyang bagong sasakyan.

Habang masaya rin ang mister niyang si Richard Chua sa achievement ng kanyang misis at sinabing “U deserve it, my love.”

Sey nga ng netizens ay bagay na bagay sa kanyang ang bago niyang puting kotse at napuri ang ganda niya na wala pa rin daw kupas.

Kahit nga raw wala itong makeup ay ang ganda pa rin nito.

Samantala, bukod sa kanyang bagong sasakyan ay nahihilig naman ngayon ang aktres sa pangongolekta ng Pop Mart figures gaya ng Labubu at Molly.

Nagte-trending nga ang ipino-post niyang pag-unboxing ng mga ito gaya rin ng misis ni Dingdong Dantes na si Marian Rivera. Kailan lamang nga ay niregaluhan din niya si Nadine ng Zimomo Angel in Clouds figure.

Ilan nga lang sila sa mga celebrity na nahihilig doon. Bongga.