Rita, may ebidensya laban kay Archie!

MANILA, Philippines — Parang nagsisi raw si Bea Alonzo na nagpa-party pa siya para sa kasamahan niya sa Widows’ War, kaya nangyari itong gulo kina Rita Daniela at Archie Alemania.

Ang huling pa-party pa raw niya sa mga kasamahan sa trabaho at noong pre-pandemic pa. Ngayon lang daw niya ginawa ulit dahil sa magandang samahan nila sa naturang drama series ng GMA 7.

Ayon sa iba pang kuwentong nasagap namin, sobrang lasing na raw ni Archie nung dumating si Rita na napaka-sexy raw ng suot nung gabing ‘yun galing ng taping ng All-Out Sundays.

Ang halay na raw ng mga komento ni Archie at sinita na nga raw ito ni Bea.

Sinabihan daw niya itong huwag naman ganunin si Rita. Hindi lang daw pinansin ni Rita nung una, dahil naging close pala sila roon sa Widows’ War.

‘Yung paghatid sa kanya ni Archie sa bahay nito ay dahil sa on the way naman daw, gawa nang taga-Cavite rin ang aktor.

Dumating na nga raw ang Grab car na pina-book ni Rita, pero talagang nangulit daw ang Archie na siya na ang maghatid at ipa-cancel na ang Grab.

Sinunod naman daw ni Rita ang utos nito na parang kuya na raw ang turing niya rito.

Bukod sa ginawa ni Archie kay Rita sa kotse, hanggang sa may gate pala ng bahay nito ay pinilit nga raw siyang halikan ng aktor. Nahagip daw ito ng CCTV at maaaring gagamiting ebidensya ito laban sa aktor.

Pero nung ipinarating ng Kapuso actress ang reklamong ito sa Sparkle, sinikap daw ng naturang talent arm na pag-ayusin sila.

Kinausap daw sila na ayusin na lang daw at huwag nang umabot sa demandahan. Nag-agree naman daw si Rita, kaya ang buong akala nila ay hindi na magkakaso ang aktres. Kaya nagulat daw silang nag-file na ito ng reklamo sa Bacoor.

Sabi naman ng sa kampo ni Rita, talagang pursigido na ang aktres na magsampa ng reklamo. Natagalan lang daw sa pag-file dahil nag-ipon daw muna nang gagamitin niya sa pagdemanda.

Kaya ang tanong ng karamihan, paano ma-maintain ni Archie ang gastusin sa abogado dahil tinanggal na siya agad sa Widows’ War, at wala nang programang mabibigay sa kanya.

Kahit si Rita ay tinanggal na rin sa Widows’ War, at ang All-Out Sundays na lang ang programa niya ngayon.

Tingnan na lang natin kung ano ang kahahantungan ng reklamong ito ni Rita Daniela.