MANILA, Philippines — Ipinagkibit-balikat na lamang ni direk Joel Lamangan, kapag napapag-usapan ang mainit na isyung sexual harassment.
Hindi na raw bago ang ganyan na para sa kanya matagal nang kalakaran ‘yan sa showbiz.
Ang kaibahan lang, hindi nagrereklamo ang mga artista, kundi ‘willing victim’ naman sila.
Kilala ni direk Joel ang dalawang independent contractors ng GMA 7 na inireklamo ni Sandro Muhlach.
Hindi lang daw niya nakatrabaho si Jojo Nones, pero may mga project siya noon sa GMA na involved si Richard ‘Dode’ Cruz.
Kilalang-kilala raw niya si Dode at napakabait daw nito.
“Mababait ‘yung mga bading na ‘yun. Hindi naman balahura,” sambit ni Direk Joel.
“Mabait si Dode. Kawawa naman ‘yon.”
Pulang…, kinukwestyon ang mga nag-e-English
Sobrang maingat ang buong team ng drama series na Pulang Araw sa production nito.
Nakikita namang ang linis ng production design, pati ang script at dialogue ng mga pangunahing karakter.
Pero hindi maiwasang may pumupuna pa rin.
Kahapon sa X account ng head writer nitong si Suzette Doctolero, ipinaliwanag niya kung bakit merong nag-e-English, Tagalog at Japanese sa seryeng ito.
Nagsimula na ang giyera sa mga susunod na episodes ng Pulang Araw.
Sana mapanood ito ng mga kabataan na kulang pa talaga ang kaalaman sa nangyari sa ating bansa noong panahon ng giyera.