Aminado ang singer at songwriter na si Ice Seguerra na isa sa mga takot niya ay ang hindi mabigyan ng karapatan ang LGBTQIA+ couples.
Ayon kay Ice, madalas nakararamdam siya ng sakit tuwing napag-uusapan nila ng asawang si Liza Diño ang tungkol dito.
Tinanong si Ice kung napag-uusapan nina Ice at Liza ang kawalan nila ng karapatan bilang mag-asawa.
“It comes up every once in a while. We talk about it and every time we talk about it, laging merong pain na kasama kasi ‘yun nga e, we’ve built a life together. It’s so weird na business partners have more rights than couples like us na pareho naman. Pareho naman kaming nagbabayad sa bahay, so parang hindi namin maintindihan kung bakit.”
Sinabi rin ni Ice na hindi naman nila kailangan makasal sa simbahan.
“We respect their beliefs so much. But I think, it’s also important for the state to recognize the rights that couples like us exist. Hindi pwedeng dahil sa mga beliefs e isasantabi niyo ‘yung karapatan din ng marami sa atin.”