Aliw ang sinabi ng Kapuso actress na si Faith Da Silva nang tanungin siya kung sino sa kanila sa Sparkle 10 ang sexy pero parang ‘kargador’ kung kumain.
Si Angel Guardian daw ang pinaka-fit para sa kanya.
Matagal na raw silang magkaibigan at hanga raw talaga siya sa kaibigan dahil hindi ito tumataba kahit ang lakas nitong kumain.
Noong time na medyo malaki pa nga raw siya ay lagi niya itong tinatanong kung anong klaseng diet ba ang ginagawa nito o ano ang mga kinakain nito. Dahil pansin niya ang lakas nitong kumain at mala-kargador nga na humingi pa ng pasensya sa kanyang term na ‘kargador’ pero hindi talaga lumalaki ang katawan nito.
Alam naman daw ito ni Angel at sinabi pang love na love niya ito.
Kaya pa nga raw nitong kumain ng dalawa hanggang tatlong kanin. Pero naobserbahan niya na mabilis lang talaga ang metabolism nito.
Pero ngayon nga ay mukhang pinaghirapan ni Faith ang kanyang katawan dahil lutang na lutang ang kaseksihan niya at hindi nagpapakabog sa mga katrabaho.