Pangyayari sa TV, hindi talaga inasahan
Grabe ang mga pangayayari ngayon sa TV.
Pagkatapos ng Mahal na Araw, mapapanood na sa GMA Network ang dating katapat ng Eat Bulaga sa ABS-CBN na It’s Showtime.
Maiisip mo ba na mangyayari ito?
Totoong isa itong makasaysayang kolaborasyon sa pagpapalabas ng noontime variety show sa GMA mula Lunes hanggang Sabado, 12 ng tanghali hanggang 2:30 ng hapon, simula 6 Abril 2024 (Sabado).
Kaya naman todo ang pasasalamat ng ABS-CBN sa Kapuso Network sa pagbubukas nito ng pinto at pagbibigay ng bagong plataporma para makapaghatid ng entertainment at saya sa mas maraming manonood sa buong bansa.
Bongga, mga Kapamilya, Kapuso na rin.
Ibig sabihin malakas pa rin talaga ang TV. Hindi totoo ang sinasabi nilang wala nang market ang TV.
- Latest