Showtime at Eat Bulaga, buhay na ulit ang salpukan

“I heart you! I heart you! Thank you!!!” sigaw ng mga host ng It’s Showtime sa live presentation ng show kahapon.

Gaya ng lumabas na balita, opisyal nang ang It’s Showtime ang ipinalit ng GMA Network sa Tahanang Pinakamasaya na sa April 6 mapapanood hindi lang sa GMA platform kundi pati na rin sa GTV.

Balik-bakbakan ang Eat Bulaga at It’s Showtime na siyang dahilan kung bakit nalipat sa GMA ang EB from ABS-CBN.

Binuksan ng GMA ang pinto nila sa Kapamilya at ayon kay Atty. Felipe Gozon, “don’t hope, expect!”

Sabi naman ni Leo Katigbak, sa 30 years ng Kapamilya, hindi nila in-expect na papasok sila sa pinto ng GMA.

Kahit dalawa ang platforms ng It’s Showtime, dalawa ring channel napapanood ang Eat Bulaga dahil bukod sa TV5 channel, simulcast din sila sa RPTV ng TV5, huh!

Tuloy ang bakbakan sa tanghalian ng Eat Bulaga at It’s Showtime!!!