Aubrey at Troy, ‘di makalimutan si Kris

Si Kris Aquino pala ang naging cupid kina Troy Montero at Aubrey Miles.

Nakwento ng mag-asawa sa programang Fast Talk with Boy Abunda na ang nanay nina Bimby at Joshua ang nagbigay ng number ni Aubrey kay Troy.

Guest pa raw noon si Troy sa morning show nina Kris at Boy Abunda at nang tanungin daw siya kung sino ang showbiz crush niya ay sinagot niyang ang pangalan ni Aubrey.

Agad-agad daw tinawagan ni Kris si Aubrey at on-air pa raw nang live. Tinanong nito si Aubrey kung pwede raw nitong ibigay ang number niya na pinayagan naman nito.

Pagkatapos ng show ay pinuntahan agad ng aktor si Aubrey na susunod naman sa guest appearance sa next show at dinahilan nitong magpapa-picture ito sa kanya. At doon na nga raw nagsimula ang kanilang love story.

Kaya siguradong hindi nila makakalimutan si Kris sa ginawa nito.

Beautederm, tuloy ang scholarship program para sa kabataan

Hindi puwedeng isnabin ang ginagawa ni Rhea Tan ng Beautederm. Ima­gine ang dami niyang scholars na pinapag-aral na galing sa mismo sa bulsa niya ang pera.

Talagang gusto niyang makita na gumanda ang buhay ng mga bata na matalino pero wala lang pera para ituloy ang pag-aaral.

‘Yung scholarship fund ni Rhea Tan ng Beautederm talagang hindi puwedeng hindi mo purihin dahil ang laki ng nagagawa para sa kabataan.

Kudos and congratulations for a very good job, Rhea Tan, ipinagmamalaki ka namin. Bongga.