Napagkamalan palang buntis ang misis ni Drew Arellano na si Iya Villania sa ‘ika-lima’ nilang anak.
Pagkatapos ng kanyang pag-live report sa Chika Minute sa 24 Oras, nag-TikTok sila ng floor director kung saan sinayaw nila ang If It’s Lovin’ That You Want ni Rihanna.
Hindi naman nakaligtas sa netizens ang parang umbok sa kanyang tiyan habang suot niya ang ruffled top kaya naman gumawa na ang mga ito ng ispekulasyon.
May netizen na nagkomento ng “congrats po ms.iya, another blessing sa family,” habang ang isa naman ay tinanong ang TV host kung pang-ilang baby na raw niya ito.
Kaya naman napakomento na ang misis ni Drew ng, “Grabe kayo? FYI, I am not” na tila natawa rin sa pagkakamali ng netizens kaya itinama niya na ito.
Meron nang apat na anak ang mag-asawa na sina Antonio Primo, Alonzo Leon, Alana Lauren, at Astro Phoenix.