Jennica, gusto nang makawala kay Alwyn!

MANILA, Philippines — Tuloy na nga ang pag-file ni Jennica Garcia para ma-annul ang kasal nila ng kanyang estranged husband na si Alwyn Uytingco.

Mas makakabuti raw ang annulment para tuluyan na silang maging malaya sa isa’t isa dahil wala na raw talagang balikan na maasahan sa kanilang dalawa.

Binigyan daw ni Jennica ng second chance noon pa si Alwyn, pero wala raw talagang nangyaring pagbabago.

Kinasal ang dalawa noong 2014 at naghiwalay noong 2021.

Three years nang hindi na ginagamit ni Jennica ang married name niya na Uytingco. Pero naging maingat siya na magsalita ng hindi maganda tungkol kay Alwyn dahil sa kanilang dalawang anak na sina Mori at Alessi.

Pinabulaanan naman niya na ang reason ng pagpapa-annul niya ay dahil sa namumuong pagtitinginan daw nila ni Christian Bables na nagsimula sa teleserye na Dirty Linen.

Diin ni Jennica: “Wala po talagang romantic na dating or anything like that between me and Christian.”

Jeremy, may mensahe kay Pia

Itinuturing na special ng mister ni Miss Universe 2015 Pia Wurtzbach na si Jeremy Jauncey ang pag-turn 39 niya last Aug. 23.

Post niya sa Instagram: “I have no doubt that the last 12 months have been the most fulfilling & rewarding of my life and reflecting on all the things that happened since my last birthday, I am so happy & grateful for the friends, family and business partners who have made this year so special.”

Kasunod nito ay pinasalamatan si Pia na naging supportive sa kanyang mga ginagawa. Kinasal sila last March 24 sa Seychelles.

“First… my beautiful wife…. we did it :) Our way and exactly how we promised we would. Everything went to plan for our whole week in paradise and the foundation we have set for the rest of our lives. You make me so proud and I love you always,” mensahe ni Jeremy kay Queen Pia.