Sigurado raw mabibihag ang puso ng mga manonood sa third installment ng Mano Po Legacy: The Flower Sisters.
Ayon nga sa GMA’s First Vice President for Program Management Department Joey R. Abacan, magiging mas madrama talaga ang serye gaya sa Mano Po 1 at mas maraming catchy lines na naman ang tatatak sa mga manonood.
Kahit si Regal Entertainment Inc. and Regal Multimedia Inc. COO & Vice President Roselle Monteverde, sinigurong mas bongga ito kaysa sa mga naunang Mano Po.
Talagang pinili nila at ina-audition ang talented actors na babagay sa karakter nila rito!
Pagbibidahan naman ito nina Aiko Melendez, Thea Tolentino, Angel Guardian at Beauty Gonzalez na tungkol sa apat na magkakapatid na anak ng taipan sa iba’t ibang babae.
Na-pressure naman daw si Thea dahil madalas itong gumanap na kontrabida dati pero mula nung pandemic, puro mabait na ang role nito. Kaya naniniwala siyang napaghandaan niya itong Mano Po.
Exciting kaya abangan dahil malapit nang mapanood ang Mano Po Legacy: The Flower Sisters sa GMA!
Rhea Tan, ‘di matiis ang mga Beautederm ambassador
Para namang hindi magkakaroon ng maraming party ngayong Pasko dahil sa pag-iingat sa health ng lahat.
Pero bongga talaga ang Beautederm na may pasabog na double celebration para sa kanilang mga ambassador.
Kasi nga hindi matiis ni Rhea Tan ng Beautederm ang movie press na lagi niyang sinasabi na malaki ang naitulong sa kanya.
Kaya good karma si Rhea dahil marunong siyang mag-pay forward. Alam niya na talagang dapat kasama mo ang mga taong nasa tabi mo saan ka man mapunta.
Kaya nga siguro, hanggang ngayon, laging priority niya ang mga showbiz press na naging close sa kanya.