Hindi makabalik ng Manila Bimby inabutan ng birthday sa Galera!

Birthday ni Bimby Aquino bukas, April 19 at 13 years old na ang bunso ni Kris Aquino. At dahil sa lockdown, mukhang hindi natupad ang dasal ni Kris na ma-celebrate ang 13th birthday ni Bimby sa kanilang bahay.

Sa last post kasi ni Kris, nasa Puerto Galera pa rin sila nina Bimby at Josh, hindi sila makabalik ng Manila.

Sa nag-suggest na gamitin ni Kris ang power niya, magpatulong sa kanyang mga kakilala para ma-isyuhan sila ng special permit na makabalik na sa Manila at sa kanilang bahay, may sagot si Kris dyan. “Let’s be REAL- kung makauwi kami lahat ng bashing aabutin namin kasi ma a-accuse ng special treatment. Anyway zero covid cases here. Kaya we are in a safe place, we do miss home pero na-realize ko i would like to really live by the sea dahil iba ang fresh air- maganda for my health.”

Siguradong kung may paraan lang, gugustuhin ni Kris na makauwi na sa kanilang bahay at makita na ang bagong renovated niyang kuwarto na sabi nito, ginawang minimalist. Inalis at inilipat ang mga gamit na puwede siyang matalisod, mahulugan ng mga things niya at ginawang mas conducive to proper rest ang bedroom niya. Nadulas na kasi si Kris sa banyo at malapit sa bed niya, kaya ipana-renovate ang kanyang bedroom.

Tiyak namang ipaghahanda niya pa rin ang 13th birthday ni Bimby na sa kanyang edad, six footer na kahit nasa Puerto Galera sila.