Nakisayaw ang mag-asawang si Sorsogon Governor Chiz Escudero at Kapuso Sweetheart Heart Evangelista kaugnay ng Pantomina sa Tinampo ng probinsya na inilaban sa Guinness World Record sa biggest Filipino Folk dance.
Punumpuno ng participants ng mga kalyeng pinagsayawan ng Sorsoganons kasama ang mag-asawa. Proud na proud si Heart sa ginawa ng asawa sa probinsiya.
“You are amazing for coming up with this and for inspiring Sorsoganons to be part of part of something BIG. Congrats Sorsganons. Kakaproud!!! Kakaiyak!” tweet ni Heart.
Take note, kahit umuulan eh walang bumitaw na kasama sa sayaw. Umabot sa 7,127 dancers ang naging bahagi ng sayaw kaya naman nakuha ng Sorsogon ang Guinness World Record para sa Largest Filipino Folk Dance.
“We did it Sorsogon. Number 1 in the world!!!” dagdag na twet ni Mrs. Escudero.
Showbiz couples may mga paandar sa Halloween
Umabot sa ibang bansa ang couple goals ng ilang celebrities ngayong Halloween!
Nasa Japan ang lovers na sina Gabbi Garcia at Khalil Ramos. Arabian princess ang suot ni Gabbi habang Prince naman si Khalil. Doon din ang destinasyon nina Vice Ganda at Ion Perez.
Taipei naman ang destinasyon ng lovers na sina Luis Manzano at Jessy Mendiola. Wala silang pasiklaban costume dahil parang gym ang lokasyon ng pic sa Instagram ni Jessy.
Ang Pacquiao couple, Senator Manny at Jinkee ay nasa South Korea kasama ang mga anak at nakasuot ng Korean national costume, huh!
Wala namang lokasyon ang IG foto ni Maja Salvador kasama ang boyfie na si Rambo Nuñez. Pero nakisabay din sila sa Halloween craze.
Eh si Angel Locsin? Nakibahagi siya sa Halloween event ng kaibigang si Raymond Gutierrez at iba pang taga-showbiz. Winner din ang suot na costume ni Gel na inilabas niya sa kanyang IG, “This is Halloween, everybody make a scene,” caption ng aktres sa pasiklab niyang costume.