Mark Zambrano nasa TV5 na!

Napanood namin sa TV5 ang broadcast journalist na si Mark Zambrano na nagre-report sa isang segment na may kinalaman sa sports.

In case hindi ninyo matandaan, si Mark ang fiancé ni Kapuso singer na si Aicelle Santos.

Aba kung nakalabas na sa TV5 si Mark, ang ibig lang sabihin eh wala na talaga siya sa GMA-7, huh!

PNP hindi pa tapos kay Coco

Nanganganib na makansela ang Memorandum of Agreement (MOU) na pinirmahan ng Philippine National Police at ABS-CBN executives dahil sa July 15 episode ng FPJ’s Ang Probinsyano kung saan dalawang policewomen ang ni-rape ng miyembro ng sindikato.

Ang MOU ay pinirmahan ng PNP at ABS-CBN executives noong November 2018 kung saan pinayagan ng PNP ang production team na gumamit ng police uniform at equipment pero may supervision ng opisyal ng mga pulis.

Ilang netizens at police offcers ang nagparating sa PNP ng episode na ‘yon.

“In the light of the concerns raised by the netizens and police officers on Ang Probinsyano scene where policewomen in uniform were being harassed and raped we will talk to the production staff of ABS-CBN and look at the possible violation of existing Memorandum of Understanding,” pahayag ni Lt. Col. Kimberly Molinas, PNP Deputy Spokesperson sa isang statement na lumabas sa isang broadsheet.

Unang na-withdraw ang PNP support nang sitahin ang show ni PNP Chief General Oscar Albayalde dahil sa pagkakaroon ng character na scalawag na mataas ang ranggo.

“Depending on the extent of the violation we may warn them o rescind the MOU,” saad pa ni Molinas.

Mabuti pa ang katapat nitong Kapuso series na Sahaya na hindi lang magandang values ang pinapalabas kung hindi may respeto pa ito sa kultura ng Badjaw, huh!