Teresa umayaw pag-usapan si Diego
Na-sight kahapon si Teresa Loyzaga sa isang event pero tumanggi siya na magpainterbyu tungkol sa hidwaan ng kanyang anak na si Diego Loyzaga at ng tatay nito na si Cesar Montano.
Kasama ni Teresa si Diego na pumayag na magsalita sa harap ng kamera pero hindi na palaban ang mga pralala ng bagets.
Sa true lang, nabasa na ng madlang-bayan ang mga emote ni Diego kaya ang sagot ni Cesar ang inaabangan nila.
Destined... ng Aldub may bonggang launch
Hindi lamang ang official trailer ng Destined to be Yours ang mapapanood bukas pagkatapos ng 24 Oras dahil haharap din sa entertainment writers sina Alden Richards at Maine Mendoza.
Isinabay talaga sa Valentine’s Day ang bonggang launch ng Destined to be Yours para lalong maging unforgettable sa fans ang unang primetime teleserye ng AlDub.
Janine nairaos ang todong iyakan!
Heavy drama at hindi romantic comedy ang Legally Blind, ang afternoon teleserye na tinatampukan ni Janine Gutierrez.
May mga nag-akala na comedy ang Legally Blind dahil katunog ito ng Legally Blonde, ang hit movie noon ni Reese Witherspoon.
Original story ang Legally Blind at kailangan na maghanda ng panyo ang televiewers dahil sangkatutak ang mga dramatic scene ng bagong show ng Kapuso Network.
May isang eksena sa Legally Blind na pagod na pagod si Janine dahil sa haba ng mga dialogue niya with matching tears. Nairaos naman ni Janine ang eksena sa tulong ni Ricky Davao, ang direktor ng Legally Blonde na uncle niya sa tunay na buhay. Si Ricky ang asawa ni Jackie Lou Blanco na kapatid ni Ramon Christopher na fadir ni Janine.
Si Chanda Romero ang gumaganap na nanay ni Janine Gutierrez sa Legally Blind. Bukas ang Araw ng mga Puso pero walang balak si Chanda at ang mister niya na mag-date dahil knows nila na overacting ang traffic sa Metro Manila.
Saka bongga ang katwiran ni Chanda na para sa kanila ng dyowa niya, everyday ang Araw ng mga Puso.
Happily married si Chanda at contented na contented siya sa buhay may asawa. Liberated na babae ang image ni Chanda noong bagets pa ito kaya nagulat ang friends niya nang magpakasal siya.
- Latest
