Ang good news na dismissed ang libel case na isinampa ng isang lawyer laban sa akin, kina Papa Ricky Lo, Papa Al Pedroche at Mama Salve Asis ang natanggap ko kahapon.
Unang ibinasura ang kaso, three years ago, pero may-I-appeal sa Supreme Court ang tao na nagdemanda sa amin.
Sa true lang, nawala na nga sa isip ko ang kaso hanggang ibalita sa akin ng aming lawyer na si Atty. Norman Golez ang resulta ng appeal.
Ayoko nang balikan pa ang past kaya hindi ko na ikukuwento ang puno’t dulo ng asunto. Pasasalamatan ko na lang si Papa Norman na hindi nagpabaya dahil tinutukan niya nang husto ang kaso. Napakahusay at napakabait na abogado ni Papa Norman. May his tribe increase!
Afternoon drama na wa rating, titigbakin na
Tatapusin na raw ang isang afternoon drama series dahil sa poor ratings.
Hindi nakakagulat ang tsismis dahil hindi naman talaga malakas ang hatak sa fans ng mga bida sa teleserye na malapit nang magbabu sa ere. Sayang lang dahil todo suporta ang network sa show pero nabigo sila.
Siguradong malulungkot ang mga artista ng drama series. Imbes na mag-emote, magpasalamat na lang sila sa pagtitiwala na ibinigay sa kanila ng network management.
Jack Reid malabong mapagkamalang bading
Lalakeng-lalake si Jack Reid, ang younger brother ni James Reid na starring sa horror movie na Darkroom.
Walang bahid ng kabadingan si Jack kaya hindi na dapat magmalisya ang mga reporter na nagtatanong kung girl or boy ang kapatid ni James.
Walang dapat patunayan si Jack. Kung meron man, dapat na magkaroon ng improvement ang pagsasalita niya ng Tagalog dahil masyadong thick ang kanyang Australian accent.
Nadine kering maging miss body beautiful
Naging pantasya ng mga mhin si Nadine Lustre dahil sa kanyang litrato na kuha sa isang beach sa La Union.
Seksing-seksi si Nadine sa kanyang two-piece swimsuit. Puwede nang si Nadine ang maging tagapag-mana ng Miss Body Beautiful title ni Vivian Velez dahil sa kanyang washboard abs at katawan na almost perfect ang curves na ilan sa mga dahilan para lalong ma-in love sa kanya si James Reid.
Pero kahit malakas ang loob ni Nadine na magsuot ng bikini, hindi carry ng powers niya na mag-pose ng sexy para sa mga magazine for men.
Hindi naman isyu ang sexy outfit niya sa beach dahil alangan na magsuot siya ng long gown habang nagtatampisaw sila ni James sa dagat.