MANILA, Philippines - Isang umagang puno ng kwentuhan at tawanan ang hatid ng Sarap Diva dahil makakasama ng Asia’s Songbird na si Regine Velasquez-Alcasid ang preggy Kapuso na si Chariz Solomon ngayong Sabado.
Sa episode na ito ay sasamahan ni Regine si Chariz sa isang session kasama ang isang doula. Isa itong birthing coach na magiging mentor ng isang mother-to-be sa kanyang panganganak lalo na ang mga nais ng natural birth. Makakasama rin nila Chariz at Regine si Ivy Sepe na piniling mag-natural birth at naging recipient ng Sarap Magshoppings free ng programa.
Isang power meal na may okra at salmon para sa mga mommies at babies naman ang ihahanda ni Regine. At dahil first-time mom si Ivy na magkakaroon ng baby boy, hihingan niya ng advice sila Regine at Chariz kung paano nila pinalaki ang kani-kanilang mga anak at kung paano siya mananatiling glowing kahit buntis.
Lahat ng iyan ay mapapanood sa Sarap Diva ngayong Sabado, 9:45am pagkatapos ng Maynila sa GMA.