MANILA, Philippines – Mukhang masama ang tama ni Willie Revillame kay Andrea Torres na co-host niya last week sa Wowowin. Kahit sinong lalaki naman talagang mababaliw sa kagandahan ng katawan ni Andrea Torres. Pero, Teka! Ano kaya ang say ni Sef Cadayona sa chickang ito. At paano si Thea Tolentino na gusto ring tulungan ni Willie Revillame?
Vice nanganganib sa MMFF?
Matunog ang balitang isasama sina Alden Richard at Maine Mendoza aka Yaya Dub sa pelikula na isasali sa Metro Manila Film Festival starring Bossing Vic Sotto at AiAi Delas Alas.
Last year namayagpag si Vice Ganda dahil ang pelikula nila ang tumabo sa takilya. Pero ngayon tiyak mahihirapan si Vice na ma-maintain ang korona sa pagiging no. 1 dahil papasok na ang AlDub loveteam sa eksena. Sa kasalukuyang, no. 1 ang Eat Bulaga sa ere. May nagkokomento nga, nagtampo siguro ang It’s Showtime dahil iniwan ito ni Vice Ganda for one week at sa kanyang pagbabalik naagaw na nga ang korona.
Paano nila malalabanan ang Eat Bulaga? Eh, nabihag na ang mga tagahanga ng tambalang AlDub. Well, siguro mag-isip nalang sila ng panibagong panlaban.
Mayor Herbert si Maricel na lang ang tututukan!
Tama ang hula ng marami na hindi matutuloy ang tambalang Kris Aquino at Mayor Herbert Bautista sa pelikula. Sobrang ingay noon na tuloy na tuloy na ang tambalan ng dalawa. Pero sa sobrang dami ng inaasikaso ni Mayor Bistek sa kanyang nasasakupan sa Quezon City mahihirapang matuloy ang ilusyong tambalan. Kay Maricel Soriano na lang siguro tututok si Bistek sa isang episode nila ng Lumayo Ka Nga Sa Akin.
Tradisyon sa birthday ni Sen. Bong nami-miss ng mga taga-showbiz
Maraming makaka-miss sa darating na birthday ni Senator Bong Revilla sa September 25. Every year kasi ay may celebration si Senator Bong para sa mga kaibigan niya sa showbiz. Mistulang isang tradisyon na hindi pwedeng maganap taun-taon. Sad to say, wala nang ganung selebrasyon. Noon ay matunog si Senator Bong para tumakbong Vice President kaso biglang nawalan ng ingay noong magka-problema nga siya.