MANILA, Philippines - Magsisilbing konsiyensya ni Nanay Loi (Sandy Andolong) sina John Lloyd Cruz (Romeo) at Toni Gonzaga (Julie) sa bagong episode ng Home Sweetie Home ngayong Sabado (Agosto 22) matapos itong masangkot sa isang gulo.
Sa bagong episode, pinagsabihan nina Romeo at Julie si Nanay Loi na mag-sorry sa basurerong pinagalitan niya dahil sa katamaran sa hindi pangongolekta ng basura. Dahil sensitibo ang basurero, nasaktan ang pride nito at mas lalo pang hindi nangolekta ng basura na naging dahilan ng pagkakasakit ni Rence (Clarence Delgado).
Dahil sa naging dulot nito sa kalusugan ni Rence, pinayuhan nina Romeo at Julie si Nanay Loi na may mga pagkakataon na kailangan magpakumbaba para maayos ang mga gusot sa buhay, pero makikinig kaya sa payo nila si Nanay Loi? Abangan ngayong Sabado.
Layunin ng Home Sweetie Home na mag tampok ng iba’t-ibang sitwasyon na magtuturo at magtatanim ng good values sa bawat miyembro ng pamilya.
Panoorin din ang lahat ng ibang Kapamilya comedy shows na Banana Split: Extra Scoop, LUV U, at Goin’ Bulilit. Panoorin ang full episodes o past episodes ng Home Sweetie Home gamit ang ABS-CBNmobile. Pumunta lamang sa www.abscbnmobile.com para sa karagdagang impormasyon.