Alden gusto nang makita sa personal si Yaya Dub

Malapit nang mapagod ang much-awaited premiere ng Kapuso program na Sunday Pinasaya.

Hatid ang iba’ t ibang klaseng pakuwela at patawa, pangungunahan ang programang ito ng Kapuso Primetime Queen na si Marian Rivera, Comedy Queen AiAi delas Alas at ang paboritong tandem nina Jose Manalo at Wally Bayola.

Tinanong namin si Alden Richards tungkol sa babaeng nali-link sa kanya na si Yaya Dub (Maine Mendoza) na tampok sa Eat Bulaga.

Kinakikiligan ang tambalan ninyo ni Yaya Dub. May pag-asa bang ma-develop kayo sa isa’t isa? tanong namin.

‘‘Sa totoo lang, kahit buhok niya ay ‘di ko pa nakikita sa personal. Nagla-live sila sa barangay na pinupuntahan samantalang nasa studio naman kami ng Broadway Centrum. Hindi kami nagtatagpo. Gusto ko rin siyang ma-meet in person, ’’ ani Alden.

Nilinaw din ng guwapong aktor ang isyu sa kanila ni Julie Anne San Jose kung saan sinabing wala siyang nararamdamang awkwardness sa kanila.

Ayon sa director ng comedy-based program, may funny video pa na ipadadala sa programa kung saan ang mapipili ay may premyo.

Marian ayaw nang patusin ang mga nega

Ang ganda-ganda ni Marian Rivera nang dumalo sa presscon ng Sunday PinaSaya na magsisimula nang mapanood sa Agosto 9.

Kapag tinatanong siya tungkol sa maintrigang bagay ay hindi na siya sumasagot pa.

‘‘Puro positive things ang gusto kong isipin. Sa rami ng blessing ko magdu-dwell pa ba ako sa negative things?’’ aniya.

Kapag sinasabing kamukha niya ang magiging Baby o Little Marian sinasabi nito na magiging kamukha raw ito ni Dingdong Dantes.

Excited na siya sa bagong programa kung saan sinasabing hindi lang sila magpapatawa kundi magbibigay pa ng mga papremyo.