MANILA, Philippines – Hindi malimutan ni Matet de Leon ang insidenteng na-bash ang anak sa school kung saan sinabihan ang bagets na addict ang lola nito. Ito ay dahil sa kasagsagan ng maraming nagsusulong na maging National Artist ang ina ni Matet na si Nora Aunor. Matatandaan noon na may binitawang salita si P-Noy na may bisyong ganito si Ate Guy na ang gusto ng marami ay gawaran ng National Artist.
Nasasaktan si Matet sa mga paratang sa kinagisnan niyang ina. Kaya masama pa rin ang loob niya kay P-Noy although natutuwa siya at tutulungan ni Kris Aquino si Ate Guy na maipagamot ang throat nito para makabalik sa pag-awit.
Hindi raw malaking isyu kina Ate Guy or Matet ang tropeo ng National Artist. Wala man ang official title, sa mata ng nakakarami, National Artist si Ms. Nora Aunor. Sa rami na raw ng trophies at awards ng kanyang ina ay sapat na ito.
Wala na nga raw mapaglagyan sa bahay ni Ate Guy ang mga dumarating pang trophy. Nagrereklamo na nga raw sila na sa tuwing bibisita sila kay Ate Guy at tumutulong sa paglilinis ay may bagong trophy na naman na dumadagdag. Kaloka ‘di ba?
Ikinatutuwa rin ni Matet na lahat ng kapatid niya ay maayos ang estado sa buhay. May kanya-kanya raw silang trabaho at pa-minsan-minsan ay nagkikita sila. Kapag nasa Quezon City area siya ay dumadalaw siya sa kanyang Ate Lotlot de Leon.
Si Matet ay kasama sa cast ng InstaDAD na pinagbibidahan ng magaling na actor na si Gabby Eigenmann.
Gabbi at Ruru mag-MU na
Matagal nang nali-link ang Kapuso artist na si Gabbi Garcia kay Ruru Madrid. Aminado si Gabbi na special sa kanya si Ruru at nakatanggap siya ng roses with teddy bear with matching card noon mula sa aktor.
Pero wala pa naman daw commitment at inaalagaan lang niya ang kanyang ka-loveteam.
Malaki ang tiwala ng GMA sa tambalan nila at this April na yata ito magsisimula.
Dingdong iiwan Si Marian para manood ng laban ni Pacman
Ang The Rich Man’s Daughter ni Marian Rivera ay eere na sa Mayo. Kaya after ng show ni Marian sa LA at Vancouver ay balik agad ito ng Pilipinas habang si Dingdong Dantes naman ay pupunta ng Las Vegas sa May 1 para manood ng laban ni Manny Pacquiao kay Floyd Mayweather Jr.